تھانہ روات کے علاقے ڈھوک ملکاں میں مبینہ طور پر 30 سالہ خاتون نے زہریلی گولیاں کھا کر خودکشی کر لی۔
پولیس کے مطابق متوفیہ کی شناخت ہاجرہ زوجہ شوکت کے نام سے ہوئی ہے، مقامی پولیس نے نعش پوسٹ مارٹم کے لیے اسپتال منتقل کر دی۔
حکام کا کہنا ہے کہ خاتون کی مبینہ خودکشی سے متعلق مقامی پولیس نے تحقیقات شروع کر دی ہیں۔
واضح رہے کہ اس سے قبل گزشتہ ماہ راولپنڈی کے علاقے نتھہ چھتر میں 22 سال کی لڑکی مبینہ زیادتی کے بعد قتل کردی گئی تھی۔
پولیس کے مطابق لڑکی کو اس کے بہنوئی نے متعدد بار زیادتی کا نشانہ بنایا تھا، لڑکی کو زہر دے کر قتل کیا گیا اور طبعی موت بتا کر تدفین کی گئی تھی۔
پولیس کا کہنا تھا کہ لڑکی کی طبی معائنے کے بغیر تدفین کی گئی تھی، سوشل میڈیا پر معاملہ سامنے آنے کے بعد مقتولہ کی قبرکشائی کی گئی، پولیس نے عدالتی احکامات پر مقتولہ کی قبرکشائی اور پوسٹ مارٹم کیا، پوسٹ مارٹم رپورٹ میں مقتولہ سے زیادتی کی تصدیق ہوئی تھی۔
