اسلام آباد میں گزشتہ روز خودکش دھماکےکے بعد جڑواں شہروں میں سرچ آپریشن کا فیصلہ کیا گیا ہے۔
اے آر وائی نیوز کے مطابق جڑواں شہروں میں سرچ آپریشن کیلئے آر پی او راولپنڈی ناصرمحمود ستی نے ڈی پی اوز کو احکامات جاری کردیے ہیں۔
ذرائع کے مطابق اسلام آباد سے ملحقہ اور دیگرعلاقوں میں سرچ آپریشن کا فیصلہ کیا گیا ہے جس میں ٹیکسلا، واہ ویسٹریج، نصیر آباد، پیر ودھائی صادق آباد کے علاقے شامل ہیں۔
ذرائع نے بتایا کہ ان علاقوں سمیت تھانہ ائیرپورٹ، صدر ،بیرونی چونترہ دھمیال کینٹ، بہارہ کہو، سبزی منڈی، آئی نائن،گولڑہ کے علاقوں میں بھی سرچ آپریشن ہوگا۔
اس سرچ آپریشن کیلئے ٹیمیں بھی تشکیل دیدی گئی ہیں، قانون نافذ کرنے والے اداروں کی معاونت بھی پولیس کو حاصل ہوگی۔
