راولپنڈی ٹیسٹ: پاکستان اور جنوبی افریقہ کے درمیان کھیلے جارہے دوسرے ٹیسٹ میں جنوبی افریقی کھلاڑی نے شاندار کیچ لے کر شائقین کرکٹ کو حیران کردیا ہے۔
تفصیلات کے مطابق پاکستان اور جنوبی افریقہ کے درمیان دوسرا ٹیسٹ آج راولپنڈی میں کھیلا جارہا ہے، پاکستان نے پروٹیز کے خلاف ٹاس جیت کر پہلے بیٹنگ کا فیصلہ کیا، تاہم وہ زیادہ سود مند ثابت نہ ہوسکا،
پاکستان کو ٹیم کے مجموعی اسکور 21 رنز پر اس وقت پہلا نقصان اٹھانا پڑا جب اوپنر عمران بٹ صرف 15 رنز بناکر آؤٹ ہوئے، 21 رنز کے اسکور پر ہی پاکستان کی دوسری وکٹ گری، پہلے ٹیسٹ میں عمدہ کارکردگی کی بدولت آئی سی سی ٹیسٹ رینکنگ میں 15ویں نمبر پر آنے والے اظہر علی بغیر کوئی رنز بنائے پویلین لوٹ گئے۔
یکے بعد دیگرے دو وکٹیں گرنے پر قومی ٹیم پریشر میں آگئی، جنوبی افریقی کپتان نے پاکستانی بلے بازوں پر مزید پریشر بڑھاتے ہوئے فیلڈنگ سیٹ کی، اسی دوران جنوبی افریقہ کے فاسٹ بولر نورٹ جی کی گیند پر شارٹ لیگ پر کھڑے جنوبی افریقہ کے فیلڈر ایڈن مارکرم نے ان کا شاندار کیچ تھام کر پاکستان کی مشکلات میں مزید اضافہ کیا۔
صرف چھ رنز بنانے والے عابد علی بھی اس شاندار کیچ پر ششد رہ گئے اور چند سینکڈ تک پچ پر حیران وپریشان کھڑے رہے، بعد ازاں پویلین کی جانب لوٹ گئے۔
پاکستان کرکٹ بورڈ نے جنوبی افریقی فیلڈر کی ناقابل یقین کیچ کی ویڈیو اپنے آفیشل ٹوئٹر اکاؤئنٹ سے شیئر کی ہے، جسے بے حد سراہا جارہا ہے۔
Brilliant catch!
Watch #PAKvSA Live: https://t.co/JDojbzmfIr#HarHaalMainCricket #BackTheBoysInGreen pic.twitter.com/JIYW9dX9yx
— Pakistan Cricket (@TheRealPCB) February 4, 2021
