راولپنڈی: ایک تیز رفتار ڈمپر نے جی ٹی روڈ ہائیکورٹ کے قریب 5 گاڑیوں کو کچل دیا، جس کی سی سی فوٹیج سامنے آگئی ہے۔
اے آر وائی نیوز کے مطابق راولپنڈی میں جی ٹی روڈ ہائیکورٹ کے قریب ایک تیز رفتار ڈمپر نے پانچ گاڑیوں کو کچل دیا، حادثے میں ایک شخص جاں بحق اور 5 زخمی ہو گئے ہیں، جب کہ 3 کی حالت تشویش ناک بتائی جا رہی ہے۔
راولپنڈی میں تیز رفتار ڈمپر نے 5 گاڑیوں کو کچل دیا
تاہم اب اس المناک ٹریفک حادثےکی سی سی ٹی وی فوٹیج سامنے آگئی ہے، سی سی ٹی وی فوٹیج میں تیز رفتار ڈمپر کو گاڑیوں کو کچلتے ہوئے دیکھا جاسکتا ہے۔
ذرائع کا کہنا ہے کہ ڈمپر کی رفتار بھی تیز تھی اور اسے رفتار کے حوالے سے تنبیہہ بھی کی گئی تھی، جبکہ یہ بھی بتایا جارہا ہے کہ راولپنڈی پولیس کی غفلت، مزکورہ سڑک پر ہیوی ٹریفک کا داخلہ بند ہے۔
