راولپنڈی: وارث خان کے علاقے میں خاتون پر تیزاب پھینک دیا گیا جس کے بعد پولیس نے خاتون کے سابق شوہر اور 2 دیوروں کو تحویل میں لے لیا۔
تفصیلات کے مطابق راولپنڈی میں وارث خان کے علاقے میں ایک افسوسناک واقعہ پیش آیا ہے جہاں خاتون پر تیزاب پھینک دیا گیا۔
اس واقعے کے بعد سی پی او نے نوٹس لیتے ہوئے خاتون کی مدعیت میں مقدمہ درج کرلیا، جس کے بعد پولیس نے خاتون کے سابق شوہر اور 2 دیوروں کو تحویل میں لے لیا۔
پولیس کا کہنا تھا کہ متاثرہ خاتون کا میڈیکل کروایا گیا ہے دوسری جانب زیر حراست ملزمان سے تفتیش جاری ہے، خواتین اور بچوں کیخلاف جرائم میں ملوث ملزمان قانون سے نہیں بچ سکتے ہیں۔
