جمعہ, مئی 9, 2025
اشتہار

فلم آر آر آر میں اہم کردار ادا کرنے والے اداکار چل بسے

اشتہار

حیرت انگیز

فلم آر آر آر  میں برطانوی گورنر اسکاٹ بکسٹن کا منفی کردار ادا کرنے والے  رے اسٹیونسن 58 سال کی عمر میں اٹلی میں چل بسے۔

غیرملکی میڈیا کے مطابق اداکار رے اسٹیونسن کی موت کی وجہ فی الحال سامنے نہیں آئی ہے تاہم ان کے نمائندے نے تصدیق کی ہے کہ اداکار کی موت اتوار کو ہوئی ہے۔

رپورٹ کے مطابق رے اسٹیونسن موت سے پہلے ایک ایکشن فلم کی شوٹنگ میں مصروف تھے انہیں اٹلی میں فلم کی شوٹنگ کے دوران طبعیت بگڑنے پر اسپتال میں داخل کرایا گیا تھا۔

رے اسٹیونسن کو تھور فلم میں اسگارڈین جنگجو کا کردار ادا کرنے کے لیے بھی جانا جاتا تھا۔

دوسری جانب آر آر آر کے آفیشل سوشل میڈیا ہینڈلز نے بھی اس خبر کی تصدیق کی ہے جبکہ ایس ایس راجامولی نے اداکار کی موت پر غم کا اظہار کیا ہے۔

آر آر آر کے آفیشل ٹوئٹر ہینڈلز پر رے اسٹیونسن کی موت پر حیرانگی کا اظہار کیا گیا ہے اور کہا آپ ہمارے دلوں میں ہمیشہ رہیں گے۔

رے اسٹیونسن نے اپنے کیرئیر کا آغاز 1990 میں ایک ٹی وی شو سے کیا اور پھر 2000 کی دہائی سے ہالی وڈ فلموں میں ایکشن کردار ادا کرنے لگے، 2008 میں انہوں نے مارول اور وار زور میں مرکزی کردار ادا کیا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں