اسلام آباد : سینٹر رضاربانی نے 9 مئی کے ملزمان کیخلاف فوجی عدالتوں میں مقدمات کی مخالفت کردی اور کہا ہمیں فوجی عدالتوں کے بجائے آگے بڑھنے کا راستہ تلاش کرنا چاہیے۔

تفصیلات کے مطابق پیپلزپارٹی کے سینٹر رضاربانی نے 9 مئی کے ملزمان کیخلاف فوجی عدالتوں میں مقدمات کی مخالفت کرتے ہوئے کہا کہ ٹیسٹ ٹیوب سیاسی جماعتیں بناناچھوڑدیں۔

پیپلزپارٹی سینیٹر کا کہنا تھا کہ قومی اسمبلی کی مدت مکمل ہونے پر الیکشن وقت پرکرائےجائیں ، فوجی عدالتوں میں مقدمات کی تائید اسمبلی نے قرارداد کی صورت میں کی، پارلیمان کو ایسا کرنا شیوہ نہیں دیتا۔

رضا ربانی نے کہا کہ ہمیں فوجی عدالتوں کے بجائے آگے بڑھنے کا راستہ تلاش کرناچاہیے، ہمارےپاس آئین موجودہےہمیں اس کےتحت آگے بڑھنا چاہیے۔

ان کا کہنا تھا کہ افسوس کہ آج عدلیہ،پارلیمان،بیوروکریسی اپنی تشریح کررہےہیں ، پہلےبھی ایسےتجربےکئےجاتےرہےہیں جوناکام ہوچکے، قانون کی بالادستی کے بغیر ملک میں اقتصادی استحکام نہیں آسکتا۔