راولپنڈی : سربراہ عوامی مسلم لیگ شیخ رشید نے کہا ہے کہ ہم نوازشریف کا مقابلہ نہیں کررہے بلکہ نوازشریف کوعدالت نے نااہل کیا اس سے قبل عدالت نے بار بار انھیں ثبوت پیش کرنے کا موقع دیا تھا۔
وہ اے آر وائی نیوز بات کرتے ہوئے گورنر سندھ محمد زبیر کی ٹیوٹ پر ردعمل دے رہے تھے جس میں گورنرسندھ نے عمران خان اور شیخ رشید کو تنقید کا نشانہ بنایا تھا۔
شیخ رشید نے کہا کہ محمد زبیر جیسے لوگوں کا بات کرنا قیامت کی نشانی ہے یہ شاید جانتے نہیں کہ نواز شریف کو سپریم کورٹ نے نااہل قرار دیا ہے اور اس قبل سے ان کو ثبوت پیش کرنے کا پورا بھی موقع دیا گیا تھا لیکن یہ فیل ہوگئے تو اب چیخ رہے ہیں۔
انہوں نے کہا کہ شریف خاندان چاہتے تھے ان سے نہ پوچھا جائے کہ پیسہ کہاں سے آیا اور انہیں کرپن کی مکمل کھلی آزاد دے دی جائے جہاں وہ عوام کا پیسا لوٹ کر اپنا کاروبار چمکاتے رہنا چاہتے ہیں۔
ایک سوال کے جواب میں شیخ رشید نے کہا کہ امید ہے آج کا جلسہ تاریخی ہوگا جس سے تحریک انصاف کے چیئرمین عمران خان بھی خطاب کریں گے وہ جلسے میں 10 بجے تشریف لائیں گے۔
دوسری جانب تحریک انصاف کے ترجمان نعیم الحق نے گورنر سندھ کے بیان کو خلاف قانون قرار دیتے ہوئے ٹوئٹ واپس لینے کا مطالبہ کردیا اُن کا کہنا تھا کہ گورنرغیر سیاسی ہوتا ہے اور کسی سیاسی جماعت کے قائد کی طرف داری نہیں کرسکتا ہے۔
Ik or Sh Rasheed or shud be courageous to face NS on the political front. Depending on non elected forces to beat NS will not work anymore
— Mohammad Zubair (@RealM_Zubair) August 13, 2017
قبل ازیں گورنر سندھ محمد زبیر نے سماجی رابطے کی ویب سائٹ ٹوئٹر پر اپنے ایک پیغام میں عمران خان اور شیخ رشید کو مشورہ دیا کہ نوازشریف کا سیاسی محاذ پر سامنا کرنے کی ہمت کریں۔
Shud now b clear, if ever there was any doubt – NS remains the most popular leader of Pak and pmln by far remains the largest party
— Mohammad Zubair (@RealM_Zubair) August 13, 2017
گورنر سندھ محمد زبیر نے نواز شریف کو پاکستان کا مقبول ترین لیڈر قرار دیتے ہوئے مذید کہا کہ نوازشریف کو شکست دینے کیلئےغیرمنتخب قوتوں پرانحصار سے کام نہیں بنے گا۔
