کراچی : چڑیا گھر کے جانوروں اور پرندوں کی اموات کی وجہ سامنے آگئی ، جس کے بعد چڑیا گھر کی انتظامیہ نے افسران کو خط لکھ کر آگاہ کردیا ہے۔
تفصیلات کے مطابق کراچی چڑیا گھر میں جانوروں اور پرندوں کی اموات کی وجہ سامنے آگئی، چڑیا گھر کے جانوروں اور پرندوں کیلئے نہ تو کوئی اسپتال ہے نہ ہی کوئی لیبارٹری ہے۔
چڑیا گھر کی انتظامیہ نے افسران کو خط لکھ کر آگاہ کردیا، جس میں کہا ہے کہ پرائیوٹ لیبارٹری سے درخواست کرکے ٹیسٹ کروائے جاتے ہیں،جانوروں اور پرندوں کے لئے کوئی ڈاکٹر بھی موجود نہیں۔
- Advertisement -
خط میں کہا گیا کہ جانوروں کے بیمار ہونے پر پرائیوٹ ڈاکٹرز سے مدد لی جاتی ہے، چڑیا گھر،سفاری پارک میں اسپتال،لیبارٹری کھولنےکی سفارش سندھ حکومت کی جائے۔
انتظامیہ کا کہنا تھا کہ 15 روز کے دوران گولڈن ٹائیگر کی موت اور ہتھنی کی جوڑی بیماری میں مبتلا ہوچکی ہے۔
