حکومت نے عوام پر پیٹرولیم لیوی کی مد میں 194 ارب روپے کا اضافہ بوجھ ڈالنے کی تیاری کرلی۔
اے آر وائی نیوز کے مطابق حکومت نے آئی ایم ایف کو پیٹرولیم لیوی کی مد میں اضافی وصولیوں کی یقین دہانی کروادی ہے۔
دستاویز کےمطابق پیٹرولیم لیوی کی وصولی کا حکومتی تخمینہ ایک ہزار تین سو گیارہ ارب لگایا گیا ہے جو رواں مالی سال میں ایک ہزار ایک سو سترہ ارب روپے ہے۔
رواں مالی سال کے پہلے 9 ماہ جولائی 2024 تا مارچ 2025 کے دوران پیٹرولیم لیوی کی وصولی 833 ارب 84 کروڑ 70 لاکھ روپے رہی۔
یہ پڑھیں: پیٹرولیم مصنوعات پر لیوی ! صارفین 168 روپے فی لیٹر والا پیٹرول 254.63 میں خریدنے پر مجبور
آئی ایم ایف کی رپورٹ کے مطابق گزشتہ مالی سال 24-2023 میں پیٹرولیم لیوی کی مد میں وصولی ایک ہزار 19 ارب روپے اور مالی سال 23-2022 میں پیٹرولیم لیوی کی مد میں وصولی 580 ارب روپے تھی۔
واضح رہے کہ اس وقت پیٹرول پر 78 روپے 2 پیسےفی لیٹر اور ہائی اسپیڈ ڈیزل پر 77 روپے ایک پیسے فی لیٹر کے حساب سے لیوی وصول کی جارہی ہے۔
