کراچی میں اناڑی سرکاری ڈرائیوروں کی وجہ سے گرین لائن بس کے بعد پیپلز ریڈ بس بھی حادثے کا شکار ہوگئی۔
اے آر وائی نیوز کے مطابق شہر کی مرکزی سڑک شارع فیصل نرسری اسٹاپ کے قریب پیپلز ریڈ بس کو حادثہ پیش آیا لیکن خوش قسمتی سے کوئی جانی نقصان نہیں ہوا۔
بس واٹر ٹینکر سے ٹکر گئی جس کے نتیجے میں اس کی ونڈ اسکرین ٹوٹ گئی۔ اناڑی ڈرائیور نئی بسوں کو توڑ پھوڑ کر کھٹارا کرنے پر گامزن ہیں۔
اس سے قبل ناگن چورنگ کے قریب گرین لائن بس ڈرائیور سے بے قابو ہو کر فٹ پاتھ پر چڑھ گئی تھی۔ حادثے میں خاتون اور بچے سمیت کئی افراد معمولی زخمی ہوئے تھے جبکہ بس کے اگلے حصے کو کافی نقصان پہنچا تھا۔
