کینبرا: آسٹریلیا میں مسافر بردار چھوٹا طیارہ سمندر میں گر گیا، طیارے میں سوار 4 افراد ہلاک ہوگئے جن میں 2 بچے بھی شامل تھے۔
بین الاقوامی میڈیا کے مطابق آسٹریلیا میں ریڈ کلف کے مضافات میں ایک انجن والا چھوٹا طیارہ ہچکولے کھاتے ہوئے دریا میں گر گیا، طیارے میں 4 افراد سوار تھے جو حادثے میں ہلاک ہوگئے۔
4 نشستوں والے چھوٹے طیارے میں ایک 69 سالہ شخص اپنے خاندان کو لے کر پکنک کے لیے جا رہا تھا۔ دوران پرواز ممکنہ طور پر تکنیکی خرابی کے باعث طیارہ سمندر میں گر گیا۔
- Advertisement -
رپورٹ کے مطابق طیارہ اڑان بھرنے کے کچھ ہی دیر بعد گر گیا تھا، جس وقت طیارے نے اڑان بھری اس وقت موسم خراب تھا اور بارش بھی ہو رہی تھی۔
کوئنز لینڈ کے شہری ہوا بازی کے ادارے نے حادثے کی تحقیقات کے لیے تفتیشی کمیٹی تشکیل دے دی ہے۔
