The news is by your side.

Advertisement

بحیرہ احمر میں پھنسے پاکستانی ملّاحوں تک امداد پہنچا دی گئی

بحیرہ احمر میں ایک ناکارہ بحری جہاز پر پھنسے چھ پاکستانی ملاّحوں کو پاکستانی حکومت کی جانب سے امدادی سامان پہنچا دیا گیا ہے، پی این ایس سی نے ٹگ بوٹ میں امدادی سامان پہنچایا۔

اس حوالے سے ملّاحوں کا کہنا ہے کہ اُن کی آٹھ ماہ کی تنخواہ واجب الادا ہے لہٰذا وہ فی الوقت جہاز نہیں چھوڑ سکتے، اس کے علاوہ جہاز کو چھوڑ دینے سے ممکنہ طور پر ملّاحوں کے لیے قانونی مسائل بھی پیدا ہوسکتے ہیں۔

پی این ایس سی کی جانب سے امدادی سامان بھجوانے پر پاکستانی ملاحوں کی جانب سے وزارت بحری امور اداروں کیلئے شکریہ کا پیغام بھیجا گیا ہے۔

ذرائع کے مطابق بحری جہاز میں پھنسے6پاکستانی ملاحوں کو امدادی سامان پہنچا دیا گیا، پاکستانی آئل ٹینکر نے ملاحوں کو راشن، پانی اور طبی سامان فراہم کیا، پی این ایس سی نے ٹگ بوٹ میں امدادی سامان پہنچایا۔

پاکستانی ٹگ ماسٹر کا کہنا ہے کہ وزارت خارجہ اور دیگر ادارے رابطے میں ہیں، ہماری کئی ماہ کی تنخواہ واجب الادا ہے، فوری طور پر ٹگ چھوڑنا ممکن نہیں ہے۔

پاکستان کی وزارتِ بحری اُمور نے اپنے ٹوئٹر اکاؤنٹ پر بتایا ہے کہ وفاقی وزیر علی زیدی نے پاکستان کی سرکاری جہاز راں کمپنی پاکستان نیشنل شپنگ کارپوریشن (پی این ایس سی) کے ایک آئل ٹینکر کو اجازت دی تھی کہ وہ اپنا راستہ تبدیل کر کے ملّاحوں کو 30 دن کا راشن، پانی اور طبی سامان فراہم کرے۔

Comments

یہ بھی پڑھیں