بدھ, فروری 5, 2025
اشتہار

عمران خان کی جانب سے منحرف ارکان کے خلاف ریفرنس اسپیکر کو جمع کرا دیا گیا

اشتہار

حیرت انگیز

اسلام آباد: عمران خان کی جانب سے منحرف ارکان کے خلاف ریفرنس اسپیکر کو جمع کرا دیا گیا۔

تفصیلات کے مطابق منحرف ارکان کے خلاف پی ٹی آئی کی جانب سے ریفرنس اسپیکر قومی اسمبلی کے پاس جمع کرا دیا گیا، یہ ریفرنس پارٹی چیئرمین عمران خان کی جانب سے اسپیکر کو بھجوایا گیا ہے، جو پی ٹی آئی کے چیف وہپ عامر ڈوگر نے اسپیکر کے حوالے کیا۔

20 منحرف ارکان کے خلاف ریفرنس آرٹیکل 63 اے کے تحت جمع کرایا گیا ہے، ریفرنس کے متن میں لکھا گیا ہے کہ منحرف ارکان پی ٹی آئی کے ٹکٹ پر منتخب ہوئے تھے اور اب متعلقہ ارکان نے پی ٹی آئی چھوڑ کر اپوزیشن پارٹیوں میں شمولیت اختیار کر لی ہے۔

ریفرنس کے مطابق منحرف ارکان کو شوکاز نوٹس بھی جاری کیے گئے، لیکن انھوں نے شوزکاز نوٹس کا خاطر خواہ جواب نہیں دیا، اس لیے منحرف ارکان کو ڈی سیٹ کرنے کی کارروائی کا آغاز کیا جائے۔

اہم ترین

مزید خبریں