اسلام آباد: پاکستان کو تنہائی کا شکار کرنے کی امریکی کوششوں کو بڑا دھچکا لگا ہے. ٹرمپ کی ہرزہ سرائی کے جواب میں چین پاکستان کی حمایت میں سامنے آگیا۔
تفصیلات کے مطابق امریکی صدر کی دھمکیوں پر چین پاکستان کی حمایت میں سامنے آگیا ہے، چین نے کہا ہے کہ دنیا دہشت گردی کے خلاف جنگ میں پاکستان کے غیرمعمولی کردارکا اعتراف کرے۔
چینی وزارت خارجہ کے ترجمان نے کہا ہے کہ پاکستان اور چین ہمیشہ کے ساتھی ہیں۔ پاکستان نے دہشت گردی کے خلاف بڑی قربانیاں دیں۔
یہ بھی پڑھیں: امریکی سفیر کی دفتر خارجہ طلبی، ٹرمپ کے بیان پر شدید احتجاج
چینی وزارت خارجہ کے ترجمان کا کہنا تھا کہ انسداد دہشت گردی کی عالمی جنگ میں پاکستان کی شراکت غیرمعمولی ہے۔ چین پاکستان کے ساتھ اپنے تعاون کو مزید فروغ دینے اور آگے لے جانے کو تیار ہے۔
یہ بھی پڑھیں: چینی آئین میں ترمیم، صدر شی کی قوت میں اضافہ متوقع
تجزیہ کاروں کے مطابق امریکی ناراضی کا اصل سبب پاکستان میں جاری سی پیک جیسا میگا پراجیکٹ ہے، جس کی وجہ سے امریکا اور بھارت دونوں شدید پریشانی میں مبتلا ہیں اور حالیہ دھمکی اسی پریشانی کی عکاس ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
