اسلام آباد : وی پی این کی رجسٹریشن کی تاریخ میں توسیع ہوگی یا نہیں؟ صارفین کے لئے اس حوالے سے اہم خبر آگئی۔
تفصیلات کے مطابق غیر رجسٹرڈ وی پی اینز کی بندش کی ڈیڈ لائن کا آج آخری دن ہے، ذرائع پی ٹی اے نے بتایا کہ اب تک 27 ہزار سے زائد وی پی اینز رجسٹرڈ کیے جاچکے ہیں تاہم و رجسٹریشن کی تاریخ میں توسیع کا فیصلہ وزارت داخلہ کرے گی۔
ذرائع کا کہنا تھا کہ وی پی اینز کی رجسٹریشن کی تاریخ میں توسیع کا امکان ہے، آئی ٹی انڈسٹری، فری لانسرز اور دیگر اسٹیک ہولڈرز نے تاریخ میں توسیع کا مطالبہ کررکھا ہے۔
رجسٹرڈ وی پی اینز کے ذریعے ملک میں سائبر سیکورٹی کو بہتر بنایا جاسکتا ہے، قومی سلامتی اور ڈیٹا پروٹیکشن کیلئے وی پی این رجسٹریشن ضروری ہے۔
پی ٹی اے نے وی پی اینز رجسٹریشن کی ڈیڈ لائن 30 نومبر مقرر کر رکھی ہے، تاریخ میں توسیع نہ ہونے پر غیر رجسٹرڈ وی پی اینز کیخلاف کریک ڈاؤن شروع کیا جائے گا۔
یاد رہے چیئرمین وائرلیس اینڈ انٹرنیٹ سروس پروائیڈرز ایسوسی ایشن نے سیکرٹری داخلہ کو خط لکھا تھا، جس میں وی پی این رجسٹریشن کی تاریخ میں توسیع کا مطالبہ کیا تھا۔
خط میں کہنا تھا کہ فری لانسرز،شہریوں نےبغیر ہچکچاہٹ رجسٹریشن کا عمل شروع کردیا، ایسوسی ایشن ممبران کووی پی اینز استعمال کامحفوظ راستہ اپنانےکی ترغیب دے رہی ہے۔
وی پی این رجسٹریشن کےعمل سےمتعلق شہریوں کو آگاہی دینےکی ضرورت ہے ، سروس پروائیڈرزآئی ٹی انڈسٹری کیساتھ ملکر وی پی این رجسٹریشن کاعمل مزید آسان کرسکتےہیں، پہلے سےشکوک و شبہات میں صارفین کااعتماد بحال کرنے کی ضرورت ہے، رجسٹریشن کی تاریخ میں توسیع حکومت کےمقاصدکےحصول میں مددگار ثابت ہوگی۔
