اسلام آباد : کامیاب جوان اسکلز فار آل پروگرام کے تحت 60 ہزار نوجوانوں کیلئے رجسٹریشن اوپن کر دی گئیں، رجسٹریشن کی آخری تاریخ 31 جنوری 2022 ہے۔
تفصیلات کے مطابق وزیراعظم کا نوجوانوں کیلئے مفت ہائی ٹیک کورسز کے منصوبے کے تحت کامیاب جوان اسکلز فار آل پروگرام کے تیسرے بیچ کا آغاز کردیا گیا اور 60 ہزار نوجوانوں کیلئے رجسٹریشن اوپن کر دی گئیں۔
اس حوالے سے معاون خصوصی عثمان ڈار نے کہا کہ ہائی ٹیک کورسز اور ٹیکنیکل تربیت کی فراہمی کا تیسرا مرحلہ شروع کردیا گیا ہے ، ایک ہزاراعلٰی تعلیمی اداروں میں 6ہزاراسکلز اسکالرشپ مختص ہیں۔
نوجوانوں کے لیےخوشخبری۔انتظارکی گھڑیاں ختم.@KamyabJawanPK سکلز فار ال پروگرام بیچ-3 کے تحت 1000 سےزیادہ اداروں اور250 سے زیادہ کورسز میں 60,000 سکلز اسکالرشپس کی رجسٹریشن کل سے شروع ہو رہی ہے۔مزید معلومات کے لیےوزٹ کریں.https://t.co/r5yMoLOwoW #KamyabJawan #KJSkillsForAll pic.twitter.com/PO3bwtuQM5
— Usman Dar (@UdarOfficial) January 15, 2022
عثمان ڈار کا کہنا تھا کہ 16 جنوری سے رجسٹریشن کا آغاز کر دیا گیا ہے، رجسٹریشن کی آخری تاریخ 31 جنوری 2022 ہے، رجسٹریشن کے لیے کامیاب جوان کی ویب سائٹ وزٹ کی جاسکتی ہے۔
معاون خصوصی نے کہا کہ کورسز کےپہلے2مرحلوں میں شاندار کامیابیاں دیکھنے کوملی ہیں، نوجوانوں ہزاروں ڈالرزکماکرملکی زر مبادلےمیں اضافہ کررہے ہیں۔
