لندن : ریحام خان نے جھوٹے الزامات لگانے پر زلفی بخاری سے غیر مشروط معافی مانگ لی اور کہا ہتک عزت ،قانونی اخراجات کی مدمیں رقم ادا کرنےپراتفاق کرتی ہوں۔
تفصیلات کے مطابق برطانوی عدالت کے حکم کے بعد ریحام خان نے معافی نامہ اور ویڈیو بیان سوشل میڈیا پر جاری کردیا ، اپنے ویڈیو بیان ریحام خان نے کہا کہ 6اور7ستمبر کو یوٹیوب،فیس بک ،ٹوئٹرپر ویڈیو جاری کی تھی ، جس میں زلفی بخاری پرملی بھگت سےروزویلٹ ہوٹل نیویارک بیچنےکاجھوٹاالزام لگایاتھا۔
ان کا کہنا تھا کہ زلفی بخاری پروزیراعظم کیساتھ ملکرکسی بھی کرپٹ پلان میں شامل نہیں تھے ، 17مارچ کو ری ٹوئٹ کیا جس میں پھر جھوٹےالزامات پر زور دیا.
ریحام خان نے مزید کہا کہ تمام اشاعات پر زلفی بخاری کوشرمندگی کا سامنا کرنا پڑا ، زلفی بخاری پر لگائے جھوٹےالزامات پر غیرمشروط معافی مانگتی ہوں اور ساتھ ہی ہتک عزت ،قانونی اخراجات کی مدمیں رقم ادا کرنےپراتفاق کرتی ہوں۔
یاد رہے برطانوی عدالت نے ریحام خان کو زلفی بخاری پر جھوٹےالزامات عائد کرنے پر ہرجانے اور معافی مانگنے کا حکم دیا تھا۔
اس حوالے سے وفاقی وزیر فواد چوہدری کا کہنا تھا کہ اس طرح کاقانون پاکستان میں لانے کوآزادی اظہارکیخلاف کہاجاتاہے، اس طرح کاقانون لانےکی کوشش پر میڈیا مالکان مہم شروع کر دیتے ہیں، بہرحال ریحام کاجھوٹاہوناایک بار پھر ثابت ہوا دراصل وہ عادی جھوٹی ہے۔
