تحریک انصاف کے چیئرمین عمران خان کی سابقہ اہلیہ ریحام خان اور اداکارہ مشی خان کے درمیان ٹویٹر پر نوک جھونک ہوگئی۔
گزشتہ روز میزبان و اداکارہ مشی خان نے ریحام خان کو اداکاروں کے عمران خان کی حمایت کرنے پر تنقید کرنے پر جواب دیا کہ اگر فنکاروں نے کشمیر کے لیے احتجاج نہیں کیا تو آپ کرلیتی؟ آپ کو کس بات کا انتظار تھا۔
مشی خان کا کہنا تھا کہ آپ ہر دفعہ ہمیں ڈکٹیشن دیتی رہتی ہیں لیکن جب کشمیر کا مسئلہ اٹھا تو اس وقت آپ کہیں بی بی سی پر رپورٹنگ تو کہیں مغربی طرز زندگی جینے میں بے حد مصروف تھیں۔
ادکارہ نے ویڈیو پیغام میں ریحام خان کو باآور کروایا کہ ’ہمیں پورا حق ہے کہ ہم جسے مرضی چاہیں اسے سپورٹ کریں، آپ جس طرح بغیر اجازت موبائل فون لے کر اسمبلی پہنچ کر الٹی سیدھی ویڈیوز بناتی ہیں وہ بنائیں اورہمیں اپنا کام کرنے دیں‘۔
We have a right to choose whoever we want to so please @RehamKhan1 don’t talk like that for the actor fraternity.
We do care about our Kashmiri brethren So rather giving us a lecture check yourself 1st
FYI we will always support @ImranKhanPTI #امپورٹڈ_حکومت_نامنطور pic.twitter.com/D0RJ2HiDJz— Mishi khan (@mishilicious) April 18, 2022
تاہم اب مشی کی تنقید کا جواب دیتے ہوئے ریحام نے ٹوئٹ کی اور لکھا یہ وہی ہے ناں عمران کی دوست، جسے میں نے اپنی فلم ’جانان‘ میں پھپھو کا کردار دیا تھا؟
Oh isn’t she that friend of Imran I cast as the phuppo in my film Janaan? https://t.co/J18DKnxq3T
— Reham Khan (@RehamKhan1) April 19, 2022
واضح رہے کہ پاکستانی فلم ‘جانان’ 2016 میں ریلیز ہوئی تھی جس میں مرکزی کردار علی رحمان خان، ارمینا رانا خان اور بلال اشرف نے نبھائے تھے۔
فلم میں مشی خان کا نام شیریں گل تھا جب کہ ان کا کردار ایک پھپھو کا تھا۔
ریحام خان فلم کی پروڈیوسر تھیں، ان کے علاوہ اداکارہ حریم فاروق اور عمران رضا کاظمی بھی فلم کے پروڈیوسرز تھے۔