The news is by your side.

Advertisement

اپوزیشن کی رہبرکمیٹی کا اجلاس آج ہوگا

اسلام آباد: اپوزیشن کی حکومت مخالف رہبرکمیٹی کا اجلاس آج ہوگا جس میں چیئرمین سینیٹ کو ہٹانے سمیت دیگر معاملات زیرغور آئیں گے۔

تفصیلات کے مطابق حکومت اپوزیشن کی 9 سیاسی جماعتوں کے 11 اراکین پر مشتمل رہبرکمیٹی کا پہلا اجلاس آج ہوگا جس میں کمیٹی کی صدارت، حکومت کے خلاف تحریک چلانے سمیت دیگر اہم معاملات پر فیصلے ہوں گے۔

رہبر کمیٹی میں مسلم لیگ ن اور پیپلزپارٹی کے 2،2 جبکہ دیگر اپوزیشن جماعتوں کا ایک ایک نمائندہ شامل ہے۔ کمیٹی میں مسلم لیگ ن کی جانب سے شاہد خاقان عباسی، احسن اقبال اور پیپلزپارٹی کی جانب سے یوسف رضا گیلانی، نیئر بخاری شامل ہیں۔

جے یو آئی ف سے اکرم خان درانی، نیشنل پارٹی سے میر حاصل بزنجو، پشتونخواہ ملی پارٹی سے عثمان کاکڑ، قومی وطن پارٹی سے ہاشم بابر، اے این پی سے میاں افتخار، مرکزی جمعیت اہلحدیث سے شفیق پسروری اور جمیعت علمائے پاکستان سے اویس نورانی رہبر کمیٹی کے ممبر ہیں۔

رہبرکمیٹی کے پہلے اجلاس میں چیئرمین شپ کا فیصلہ ہوگا، شاہد خاقان عباسی

دوسری جانب اے آروائی نیوز کے پروگرام باخبرسویرا میں بات چیت کرتے ہوئے مسلم لیگ ن کے رہنما شاہد خاقان عباسی نے کہا کہ رہبرکمیٹی کے پہلے اجلاس میں چیئرمین شپ کا فیصلہ ہوگا۔

Comments

یہ بھی پڑھیں