نئی دہلی: بھارت کی حکمران جماعت بی جے پی نے دہلی اسمبلی انتخابات میں اکثریت حاصل کرنے کے بعد ریکھا گپتا کو دہلی کی وزیر اعلیٰ کے طور پر نامزد کرنے کا اعلان کیا ہے۔
بھارتی میڈیا رپورٹس کے مطابق یہ فیصلہ مرکزی مبصرین روی شنکر پرساد اور اوم پرکاش دھنکر کی موجودگی میں بی جے پی لیجسلیچر پارٹی کی میٹنگ ہوا، پارٹی کے اہم اجلاس میں بانسوری سوراج اور پروین کھنڈیلوال سمیت بی جے پی کے ارکان شریک ہوئے۔
رپورٹس کے مطابق دہلی اسمبلی کی کل 70 نشستوں میں سے بی جے پی 48 پر کامیاب ہوچکی ہے۔ بی جے پی نے 27 سال بعد قومی دارالحکومت میں اقتدار میں واپس کی ہے۔
ایک دہائی سے زیادہ عرصے تک دہلی پر حکومت کرنے والی عام آدمی پارٹی کوحال ہی میں منعقد ہونے والے دہلی اسمبلی انتخابات میں صرف 22 نشستیں حاصل ہوسکیں۔
رپورٹس کے مطابق اسمبلی انتخابی نتائج کے 11 دن بعد بی جے پی لیجسلیچر پارٹی کی میٹنگ میں وزیر اعلیٰ کے نام کا اعلان کیا گیا، ریکھا گپتا دہلی کی نئی وزیراعلیٰ ہوں گی۔
روس یوکرین جنگ بندی پر مذاکرات کیلئے تیار ہیں: پیوٹن
دہلی کی وزیر اعلیٰ کی حلف برداری کی تقریب آج رام لیلا میدان میں منعقد ہوگی۔ دہلی کے چیف سکریٹری کے ذریعہ بھیجے گئے دعوت نامے میں وزیر اعلیٰ کے ساتھ وزراء کی حلف برداری کا بھی ذکر کیا گیا ہے۔
