اسلام آباد: مالی مشکلات کے شکار پی آئی اے کے لیے اچھی خبر ہے کہ حکومت کی جانب سے ادارے کو عبوری ریلیف ملنے والا ہے۔
تفصیلات کے مطابق حکومت نے پاکستان انٹرنیشنل ایئرلائن کو عبوری ریلیف دینے کے لیے اقدامات مکمل کر لیے ہیں، بینکوں کو حکومت پاکستان کی جانب سے دی گئی ہدایات کے باعث اب قومی ایئرلائن کو فنڈز کا اجرا ہوگا۔
یہ فنڈز طیاروں کی لیز، انجن، پرزہ جات اور ہینڈلنگ کی ادائیگیوں کے لیے استعمال ہوں گے، واضح رہے کہ پی آئی اے اس وقت قرضوں اور سود کی ادائیگیوں کی وجہ سے شدید مالی مشکلات کا شکار ہے۔
