اسلام آباد : اپوزیشن لیڈر عمر ایوب نے کہا ہے کہ 200 یونٹس تک کے صارفین کو ریلیف کا فیصلہ ریورس ہو جائے گا۔
تفصیلات کے مطابق اپوزیشن لیڈر عمر ایوب نے وزیراعظم کی جانب سے بجلی صارفین کے لیے رعایت کے اعلان پر کہا کہ میں نے بجلی کی وزارت کو ڈیل کیا ہے، دو سو یونٹ بجلی پرجو ریلیف حکومت نے دیا ہے چند دن میں واپس ہو جائے گا۔
عمر ایوب کا کہنا تھا کہ حکومت مفروضوں پر چل رہی ہے پیسے نہیں ہیں ان کے پاس، یہ غریبوں کا خون چوسیں گے ریلیف نہیں دیں گے۔
- Advertisement -
انھوں نے بتایا کہ حکومت پرآئی ایم ایف کا پریشر ہے بلوں کا سونامی آ رہاہے، اگست کے بل لوگوں کی کمر توڑ دیں گے۔
رہنما پی ٹی آئی نے بتایا کہ ہمارے دور میں بجلی کی فی یونٹ قیمت 17 روپے تھی اب 85 روپےتک پہنچ گیا، ہم ان کیخلاف ہر فورم پر آواز اٹھائیں گے، یہ ڈرے ہوئے ہیں۔
