تل ابیب : اسرائیلی حکومت نے گائے کے بغیر لیباریٹری میں تیار کیے جانے والے مصنوعی دودھ کو مارکیٹ میں فروخت کرنے کی منظوری دے دی ہے۔
غیرملکی خبر رساں ادارے کی رپورٹ کے مطابق حکومت نے لیبارٹری میں تیار کردہ مصنوعی لیکن غذائیت سے بھرپور دودھ اور ڈیری مصنوعات کے لیے اپنا پہلا مارکیٹنگ اور فروخت کا لائسنس جاری کیا ہے۔
اسرائیل انوویشن اتھارٹی (آئی آئی اے) نے جمعرات کو ایک بیان میں اعلان کیا کہ مقامی فوڈ اسٹارٹ اپ ریملک کو ان روزمرہ کھانے کی اشیاء کی مارکیٹنگ کا لائسنس دیا گیا ہے جن کے پروٹین اصلی دودھ کے پروٹین کی طرح ہیں۔
ریملک کے مطابق پنیر، دہی اور آئس کریم سمیت ڈیری مصنوعات بنانے کے لیے پروٹین کو وٹامنز، معدنیات اور جانوروں کی چربی کے ساتھ ملایا جاتا ہے۔ اس پیداواری عمل سے وہ کولیسٹرول اور لیکٹوز جیسے ناپسندیدہ اجزاء سے چھٹکارا حاصل کرنے علاوہ مویشی پروری میں استعمال ہونے والے گروتھ ہارمونز اور اینٹی بائیوٹک سے پاک ہیں۔
آئی آئی اے نے اپنے بیان میں کہا ہے کہ یہ فوڈ ٹیکنالوجی کے حوالے سے اسرائیل اور پوری دنیا کیلئے ایک تاریخی دن ہے، حکومت کی طرف سے منظوری پوری اسرائیلی فوڈ ٹیکنالوجی مارکیٹ کے لیے بھی پہلا اور اہم سنگ میل ہے۔
