کم عمری میں ہی نمایاں ہوتی جھریوں سے کیسے بچا جائے؟

چہرے پر جھریاں پڑ جانے کے لیے کوئی عمر مخصوص نہیں، بعض مسائل کے سبب یہ کم عمری میں بھی نمایاں ہوسکتی ہیں۔

اے آر وائی ڈیجیٹل کے مارننگ شو گڈ مارننگ پاکستان میں ڈاکٹر بلقیس نے جھریاں کم کرنے کی مؤثر ترکیب بتائی۔

ڈاکٹر بلقیس نے بتایا کہ جھریاں پڑنے کا سبب جسم میں پانی کی کمی، ذہنی تناؤ اور ڈپریشن بھی ہوسکتا ہے۔

جھریوں میں کمی کرنے کے لیے انہوں نے بتایا کہ تخم بالنگا لے کر پانی میں بھگو دیں اور ہلکا سا گرم کرلیں تاکہ بیج پھول کر لیس دار ہوجائیں۔

اس میں ایک چمچ اچھی طرح تیار کی گئی گرین ٹی شامل کریں، گرین ٹی چہرے کی سوجن میں کمی کرتی ہے۔ اسے اچھی طرح سے مکس کرلیں۔

اب اس میں ایک ایک چمچ ایلو ویرا جیل اور ناریل کا تیل شامل کردیں، اچھی طرح مکس کرنے کے بعد چہرے پر لگائیں اور 15 منٹ بعد صاف پانی سے دھو لیں۔

Comments