کراچی کے معروف پاکستانی شیف ذاکر انتقال کرگئے، خاندانی ذرائع کے مطابق شیف ذاکر گردوں کی بیماری میں مبتلا تھے۔
اے آر وائی نیوز کے مطابق اپنے کھانوں اور ان کی ریسپی کی وجہ سے مشہور و معروف شیف ذاکر انتقال کرگئے، گردوں کی بیماری کی وجہ سے امریکہ میں ان کے ڈائلسز ہورہے تھے، ڈاکٹرز نے انھیں جواب دے دیا تھا۔
ڈاکٹرز کے جواب دینے کے بعد وہ ایک ماہ قبل وطن واپس آئے تھے، مرحوم کی نمازِجنازہ کل بعد نمازعصر جامعہ رشیدیہ ملیر سعودآباد میں ادا کی جائے گی۔
شیف ذاکر کی تدفین سعودآباد قبرستان میں ہوگی، وہ اپنے اپنے منفرد ذائقے اور کھانا بنانے کے انداز کے باعث دنیا بھر میں مقبول تھے۔
ان کی عمر 57 برس تھی، شیف ذاکر 16 فروری 1967 کو پیدا ہوئے، وہ مختلف ٹی وی چینلز پر کئی کامیاب پروگرامز کرچکے تھے۔
