لاہور : معروف گلوکار نے اہلیہ کے بیوٹی پارلر میں بجلی چوری پکڑے جانے پر لیسکو عملہ پر حملہ کردیا ، جس کے بعد گلوکار سمیت چار نامعلوم افراد کے خلاف مقدمہ درج کرلیا گیا۔
تفصیلات کے مطابق معروف گلوکار جواد احمد کی اہلیہ کے بیوٹی پارلر میں مبینہ بجلی چوری کا واقعہ سامنے آیا، جواد احمد کی لیسکو عملے کے ساتھ تلخ کلامی ہوئی اور بجلی چیکنگ میٹر چھین لیا۔
لیسکو رپورٹ نے بتایا کہ جوہر ٹاؤن میں لیسکو عملہ بجلی چوری کی تحقیقات کے لیے پہنچا تھا تو جواد احمد نے میٹر ریڈر اصغر اور شاہد کو زود کوب کیا، بیوٹی پارلر کے بجلی میٹر کا فیز ڈیڈ کیا ہوا تھا۔
جس کے بعد معروف گلوکار سمیت چار نامعلوم افراد کے خلاف مقدمہ درج کرلیا گیا، ایس ڈی او محمد اصغر کی مدعیت میں تھانہ نواب ٹاؤن میں مقدمہ درج کیا گیا۔
ایف آئی آئی کے متن میں کہا تھا کہ لیسکو ٹیم نے روٹین چیکنگ میں ایک بیوٹی پارلر کا میٹر چیک کیا تو گلوکار کو ان کی اہلیہ بیوٹی پارلر مالکن نے اطلاع دی، جس کے بعد وہ اپنے ساتھیوں کے ہمراہ کالے ڈالے پر آئے۔
ایف آئی آئی میں کہنا تھا کہ جواد احمد نے شاہد خان سے میٹر چھین کر اپنے ساتھی عدیل کے حوالے کیا، عدیل میٹر لے کر پارلر کے اندر بھاگا اور غائب ہوگیا، میٹر ٹیمپرنگ سے محکمے کو لاکھوں کا نقصان پہنچا، سرکاری کام میں مداخلت کی گئی جبکہ زخمی ملازمین کو طبی امداد کے لیے اسپتال منتقل کر دیا گیا ہے۔
