کراچی: کرونا وائرس کے دوران دیوار غیر میں پھنسے پاکستانیوں کی وطن واپسی کا آپریشن مکمل ہوگیا۔

کرائسز مینجمنٹ یونٹ کی جانب سے جاری تفصیلات کے مطابق کرونا وائرس کی وجہ سے بیرون ملک پھنسے پاکستانیوں کی وطن واپسی کا آپریشن مکمل ہوگیا، دنیا بھر سے 3 لاکھ 4 ہزار سے زائد پاکستانی وطن واپس پہنچ گئے۔

دستاویز کے مطابق3 لاکھ پاکستانیوں کو خصوصی فلائٹ آپریشن کے ذریعے پاکستان پہنچایا گیا، 4 ہزار 329 پاکستانی زمینی راستوں کے ذریعے وطن واپس پہنچے۔خصوصی فلائٹس کے ذریعے 2 ہزارتبلیغی افراد 1326 زائرین بھی واپس آئے۔

کرائسز مینجمنٹ یونٹ کا کہنا ہے کہ بیرون ملک جیلوں میں قید 1745پاکستانیوں کی خصوصی فلائٹ آپریشن کے تحت واپسی ہوئی۔ یو اے ای سے 1 لاکھ 54 ہزار سے زائد پاکستانی وطن واپس پہنچے۔

دستاویز میں بتایا گیا ہے کہ سعودی عرب سے 63595، قطر سے 17 ہزار، اومان سے 11729,بحرین سے 4469 ترکی سے 6339، برطانیہ سے 7122 امریکہ سے 1702، چین سے 25250، کویت سے 2314، کرغزستان سے8110 ، افغانستان سے 4098 ایران سے 1080، بھارت سے 418، افغانستان سے2987 اور ایران سے 924 پاکستانی وطن واپس پہنچے۔