The news is by your side.

Advertisement

پشاور، کوئی بچہ انسداد پولیو ویکسین سے متاثر نہیں ہوا: انکوائری رپورٹ

پشاور: تحقیقات رپورٹ‌ نے تمام افواہوں کا خاتمہ کر دیا، طبی معائنوں‌ سے واضح  ہوا ہے کہ پشاور میں کوئی بچہ انسداد پولیو ویکسین سے متاثر نہیں ہوا.

تفیصلات کے مطابق پشاور پولیو ڈرامے کا ڈراپ سین ہوگیا، انکوائری رپورٹ میں کچا چٹھا کھل کر سامنے آگیا. تحقیقاتی رپورٹ کے مطابق اسپتال لائے گئے بچوں میں ایک بھی پولیو ویکسین سے متاثر نہیں تھا۔

درجنوں بچوں کا طبی معائنہ کیا گیا، مگر ان میں‌ سے کسی کو بھی ایڈمٹ کرنےکی ضرورت پیش نہیں آئی۔

خیال رہے کہ پشاور میں انسداد پولیو مہم کے پہلے روز اس خبر نے پورے شہر میں‌سنسنی پھیلا دی تھی کہ ویکسین سے متاثر ہونے والے بچوں‌کو اسپتال لایا گیا ہے.

خبر جنگل کی آگ کی طرح‌ پھیل گئی، مساجد سے اعلانات ہونے لگے اور سیکڑوں افراد اپنے بچوں کو لے کر اسپتال پہنچ گئے.

مزید پڑھیں: پشاور میں انسدادپولیومہم بدنام کرنے کی سازش کرنے والا شخص گرفتار

البتہ وزیر صحت کے پی ہشام خان نے فوری اس طرح کی تمام خبروں کی تردید کر دی، بعد ازاں وزیر اطلاعات شوکت یوسف زئی نے اسے سازش قرار دیا.

واقعے والے روز ہی ایک ویڈیو وائرل ہوئی، جس میں ایک شخص بچوں کو بے ہوش ہونے کی ہدایت کر رہا تھا، جسے بعد ازاں گرفتار کر لیا گیا.

اب اس ضمن میں انکوائری رپورٹ بھی سامنے آگئی، اس ضمن میں ایڈیشنل ڈپٹی کمشنرکی سربراہی میں دس رکنی تحقیقاتی کمیٹی قائم کی گئی تھی.

Comments

comments

یہ بھی پڑھیں