اسلام آباد : چیئرمین تحریک انصاف عمران خان نے الیکشن کمیشن کے باہر احتجاج کیس میں دہشت گردی کی دفعات حذف کرنے کیلئے درخواست دے دی۔
تفصیلات کے مطابق چیئرمین تحریک انصاف عمران خان نے الیکشن کمیشن کے باہر احتجاج پر دہشت گردی کے کیس میں پراسیکیوٹر انسداد دہشتگردی عدالت کو درخواست دے دی۔
عمران خان نے درخواست میں استدعا کی ہے کہ مقدمے میں سے دہشت گردی کی دفعات حذف کی جائیں،واقعات سامنے رکھ کر دیکھیں تو دہشت گردی کی دفعات مضحکہ خیز ہیں۔
چیئرمین تحریک انصاف کا درخواست میں کہنا تھا کہ دہشتگردی کی دفعات سپریم کورٹ کے 7رکنی بینچ کےفیصلےکی توہین ہیں۔
درخواست میں کہا گیا کہ دہشت گردی قانون کاسیاسی مخالفین کودبانے،سیاسی مفادکیلئےہورہاہےجوتباہ کن ہے، دہشتگردی کی دفعات لگانےسے حکومت کی طرف سےغیر سنجیدگی کا اظہار بھی ہوتا ہے۔
عمران خان نے استدعا کی مقدمے سے دہشت گردی کی دفعات حذف کی جائیں۔
