The news is by your side.

Advertisement

سیلابی ریلے میں پھنسے بچوں سمیت چھ افراد کو ایف سی اور انتظامیہ نے بحفاظت نکال لیا

کوئٹہ : بولان کے علاقے بی بی نانی میں سیلابی ریلے میں پھنسے ہوئے بچوں سمیت چھ افراد کو ایف سی اور انتظامیہ نے بحفاظت ریسکیو کرلیا۔

تفصیلات کے مطابق گزشتہ روز درہ بولان میں بی بی نانی کے مقام پر سیلابی ریلے میں بچوں سمیت ایک فیملی کے چھ افراد پھنس گئے تھے۔

جس کی اطلاع ملتے ہی ڈی سی کچھی سلطان بگٹی اور کمانڈنٹ فرنٹیر کور سبی سکاؤٹس کرنل وقار چوہدری اور ونگ کمانڈ مچھ لیفٹیننٹ کرنل اجمل کی نگرانی میں ریسکیو آپریشن شروع کیا گیا ۔

ایف سی اہلکار رات گئے ریلے میں پھنسے ہوئے افراد تک پہنچنے میں کامیاب ہوگئے تاہم پانی کا بہاؤ تیز ہونے کی وجہ سے انہیں رات وہاں سے نہیں نکالا جاسکا تاہم پیر کی صبح پانی کا بہاؤ کم ہونے پر بچوں سمیت چھ افراد کو بحفاظت ریسکیو کرلیا گیا۔

Comments

comments

یہ بھی پڑھیں