پشاور : خیبر پختونخواہ کابینہ میں تبدیلی کرتے ہوئے کامران بنگش وزیر بنا دیا گیا ، کامران بنگش کے پاس اطلاعات اور اعلیٰ تعلیم کے قلمدان ہوں گے۔
تفصیلات کے مطابق خیبر پختونخوا کابینہ میں ایک بار پھر ردوبدل کرتے ہوئے تبدیلیوں کا اعلامیہ جاری کردیا گیا ہے ، اعلامیے میں کامران بنگش کو معاون خصوصی سے وزیر بنا دیا گیا ، کامران بنگش کے پاس اطلاعات اور اعلیٰ تعلیم کے قلمدان ہوں گے۔
By the grace of almighty Allah I'll b rejoining the Cabinet as a minister with the same enthusiasm as before.I'm truly grateful to my leaders @ImranKhanPTI & @IMMahmoodKhan fr an increased trust in me.Expect us to perform with the same passion & higher zeal & zest cz #WeServeYou pic.twitter.com/RFIFS0qR1k
— Kamran Bangash 🇵🇰 (@kamrankbangash) November 1, 2021
اعلامیے میں بتایا گیا کہ خیبرپختونخواکابینہ میں ارشد ایوب کوبھی شامل کرلیاگیا ہے جبکہ معاونین خصوصی ریاض خان ، عارف احمدزئی اور محمدظہور کو مشیر مقرر کردیا گیا۔
یاد رہے رواں سال مئی میں خیبر پختونخواہ کابینہ میں شامل نئے وزرا،مشیراورمعاونین خصوصی کومحکموں کے قلمدان سونپے گئے تھے ، جس کے مطابق فضل شکوروزیرقانون،عاطف خان وزیرخوراک اورانفارمیشن ٹیکنالوجی مقرر کئے گئے تھے۔
اعلامیہ کے مطابق تاج محمد معاون خصوصی توانائی،شفیع اللہ خان معاون خصوصی جیل خانہ جات ،شکیل احمد وزیرپبلک ہیلتھ انجینئرنگ،خلیق الرحمان مشیر ایکسائز اینڈ ٹیکسیشن تعینات کیا گیا تھا۔
خیال رہے پاکستان تحریک انصاف (پی ٹی آئی) کی حکومت کے پچھلے تین سالوں میں وفاق اور خیبر پختونخوا کابینہ میں متعدد بار ردوبدل کیا جاچکا ہے۔