The news is by your side.

Advertisement

غیر قانونی طریقے سے کسی کو گھروں سے بے دخل نہیں ہونے دیں گے، خورشید شاہ

کراچی: پاکستان پیپلز پارٹی کے سینئر رہنما اور سابق اپوزیشن لیڈر خورشید شاہ نے سرکاری کوارٹرز کے مکینوں سے ملاقات کے دوران کہا کہ غیر قانونی طریقے سے کسی کو گھروں سے بے دخل نہیں ہونے دیں گے۔

سرکاری کوارٹرز کے مکینوں نے خورشید شاہ سے ملاقات کی، مکینوں نے گھروں سے بے دخلی کے خدشات کا اظہار کیا جس پر پیپلز پارٹی کے رہنما نے انھیں تسلی دی۔

پی پی رہنما خورشید شاہ کا کہنا تھا کہ پیپلز پارٹی عوام کی جماعت ہے، عوام کے مسائل جانتی ہے، اور عوام کے مسائل حل کرتی ہے۔

دریں اثنا سابق اپوزیشن لیڈر خورشید شاہ نے وزیرِ اعلیٰ سندھ اور دیگر اعلیٰ حکام سے رابطہ کر کے کراچی میں سرکاری کوارٹرز خالی کرانے کی پالیسی پر نظرِ ثانی کی درخواست کی۔

خورشید شاہ نے وزیرِ ورکس ناصر شاہ سے بھی صورتِ حال معلوم کی۔ انھوں نے سرکاری کوارٹرز کے مکینوں یقین دلایا کہ ان کے ساتھ زیادتی نہیں کی جائے گی۔


یہ بھی پڑھیں:  پیپلز پارٹی کا کسی حکومت مخالف تحریک کا حصہ نہ بننے کا اعلان


دوسری طرف کوارٹرز ایکشن کمیٹی نے ملاقات کے بعد کہا اعلیٰ حکام کی یقین دہانی اطمینان بخش ہے، حکومت زمینی حقائق پر پالیسی بنائے ہم ساتھ ہیں۔

خیال رہے کہ آج خیبر پختونخوا میں پاکستان پیپلز پارٹی پنجاب کے صدر قمر زمان کائرہ نے کہا ہے کہ پیپلز پارٹی نے کسی حکومت مخالف تحریک کا حصہ نہ بننے کا فیصلہ کیا ہے۔

Comments

comments

یہ بھی پڑھیں