پشاور: صوبہ خیبر پختونخواہ کی اسمبلی میں گستاخانہ خاکوں کے خلاف مذمتی قرارداد متفقہ طور پر منظور کرلی گئی۔
تفصیلات کے مطابق خیبر پختونخواہ اسمبلی میں گستاخانہ خاکوں کے خلاف مذمتی قرارداد متفقہ طور پر منظور کرلی گئی۔ قرارداد تحریک انصاف کے فضل الٰہی کی جانب سے پیش کی گئی۔
قراداد کے متن کے مطابق گستاخانہ خاکوں سے مسلمانوں کی دل آزاری ہوئی ہے، حکومت گستاخانہ خاکوں سے متعلق اثر و رسوخ استعمال کرے۔
قرارداد میں کہا گیا کہ گستاخانہ خاکوں کے مقابلہ ختم نہ کیا گیا تو ہالینڈ کے سفیر کو ملک بدر کیا جائے۔
قرارداد کو متفقہ طور پر منظور کرلیا گیا جس کے بعد خیبر پختونخواہ اسمبلی کا اجلاس غیر معینہ مدت تک کے لیے ملتوی کردیا گیا۔
خیال رہے کہ ہالینڈ میں گستاخانہ خاکوں کے مقابلے کے معاملے پر اس سے قبل سینیٹ اور سندھ اسمبلی میں بھی مذمتی قراردادیں منظور کی جاچکی ہیں۔
