اسلام آباد : این اے 15 مانسہرہ کے فارم 49 میں ن لیگ کے قائد نواز شریف 24 ہزار 846 ووٹوں سے ہار گئے جبکہ شہزادہ گستاسپ خان نے ایک لاکھ 5 ہزار 259 ووٹ حاصل کیے۔
تفصیلات کے مطابق این اے پندرہ مانسہرہ کے ریٹرننگ آفیسر نے فارم انچاس جاری کردیا، جس کے تحت مسلم لیگ ن کے قائد نواز شریف چوبیس ہزار آٹھ سو چھیالیس ووٹوں سے ہار گئے جبکہ پی ٹی آئی کے حمایت یافتہ شہزادہ گستاسپ خان کامیاب قرار پائے۔
فارم انچاس کے مطابق شہزادہ گستاسپ خان نے ایک لاکھ پانچ ہزار دو سو انسٹھ ووٹ حاصل کئے اور نوازشریف اسی ہزار چار سو تیرہ ووٹ لے کر دوسرے نمبر پر رہے۔
گذشتہ روز الیکشن کمیشن نے این اے 15 مانسہرہ سے انتخابی عذرداری کیس میں نواز شریف کی درخواست خارج کردی تھی۔
الیکشن کمیشن نے ریٹرننگ افسر کو تین دن میں حلقے کا حتمی نتیجہ مرتب کرنے کا بھی حکم دیا تھا۔
واضح رہے کہ 8 فروری کو ہونے والے انتخابات میں این اے 15 مانسہرہ سے نواز شریف کو پی ٹی آئی کے حمایت یافتہ آزاد امیدوار نے شکست دی تھی۔
پی ٹی آئی کے حمایت یافتہ آزاد امیدوار گستاسب خان نے 105249 اور نواز شریف نے 80382 ووٹ لیے تھے۔
