لاہور: 9 مئی کے واقعات میں ملوث ایک اور شرپسند کے بھائی نے حیرت انگیز انکشاف کیا ہے۔
شرپسند عدنان کے بھائی لقمان حکیم نے 9 مئی کے شدت پسند واقعات میں ملوث ہونے پر ندامت کا اظہار کیا ہے۔
شرپسند عدنان احمد کے بھائی نے کہا کہ کچھ لوگوں کے ساتھ مل کر عدنان نے توڑ پھوڑ کی، کوئی بندہ بھی نہیں آیا ہمیں پوچھنے کے لیے سیاسی لوگ اپنے مقصد کے لیے ہم سب کو استعمال کرتے ہیں۔
شرپسند عدنان احمدکے بھائی کا کہنا تھا کہ یہ جو بھی اداروں کے خلاف بات کر رہے ہیں وہ غلط ہے، یہ ہمیں اداروں کیخلاف بہکاتے ہیں کہ یہ ادارے ہمارے خیرخواہ نہیں ہیں۔
شرپسند عدنان کے بھائی نے مزید کہا کہ یہ جو ہم اپنے ملک میں آزادی سے پھر رہے ہیں، یہ اداروں کی وجہ سے ہی ہے، یہ سب پڑھے لکھے جاہل ہیں، ایسے بندے کے پیچھے جارہے ہیں جو کبھی ایک بات نہیں کرتا۔
شرپسند عدنان کے بھائی کا کہنا تھا کہ میں نوجوانوں کو ایک ہی پیغام دونگا کہ اپنے ذہن کی سنیں کسی شرپسند کی نہیں۔
