حج وعمرہ کی ادائیگی کے لیے احرام لازمی ہے سعودی وزارت ثقافت نے منفرد ماحول دوست احرام متعارف کرا دیا ہے۔
مکہ مکرمہ میں عمرہ سارا سال جب کہ فریضہ حج کی ادائیگی ماہ ذوالحج میں ہوتی ہے۔ حج اور عمرہ کی ادائیگی کے لیے احرام لازمی ہوتا ہے جو مرد زائرین کے لیے دو چادروں پر مشتمل ہوتا ہے جب کہ خواتین کے لیے ان کا پہنا ہوا لباس ہی احرام ہوتا ہے۔
عرب نیوز کے مطابق سعودی وزارت ثقافت کے فیشن کمیشن نے احرام کے دوبارہ استعمال کو فروغ دینے کے لیے استعمال شدہ احرام کو ری سائیکلنگ کر کے ’’ماحول دوست احرام‘‘ کے نام سے متعارف کرایا ہے۔
اس کے لیے گزشتہ حج کے دوران استعمال شدہ احرام جمع کرنے کے لیے منیٰ کے علاقے میں 336 ڈبے نصب کیے گئے تھے، جہاں لاکھوں کی تعداد میں احرام جمع ہوئے۔
رپورٹ کے مطابق اس عمل میں استعمال شدہ احرام کو ٹیکسٹائل ری سائیکلنگ کے ذریعہ خاص طریقے سے نئے پائیدار احرام میں تبدیل کیا جاتا ہے اور یہ احرام زائر کو ماحول میں آلودگی سے بھی تحفظ فراہم کرتا ہے۔
اس نئے منصوبے کا مقصد صارفین میں فیشن ری سائیکلنگ کے بارے میں آگہی بڑھانا اور سعودی عرب میں ٹیکسٹائل انڈسٹری کے فروغ سے معیشت کی ترقی میں مدد فراہم کرنا ہے۔
سعودی فیشن کمیشن کے سی ای او بوراک شاکماک نے بوراک شاکماک نے بتایا احرام کے جمع شدہ کپڑے کو خاص طریقے سے ری سائیکلنگ کے مراحل سے گزارا جاتا ہے جہاں اسے صاف کر کے دوبارہ خام شکل میں لا کر احرام کے لیے نیا کپڑا تیار کیا جاتا ہے۔
جدہ میں جنوری میں ہونے والی حج و عمرہ کانفرنس کے دوران تدویم کمپنی نے ری سائیکل شدہ احرام کے کپڑے کو اعلیٰ معیار کے چمڑے کے تھیلے میں رکھ کر پیش کیا۔
ماحول دوست احرام کہاں سے ملے گا؟
ری سائیکل کپڑے سے تیار کیا گیا احرام مدینہ منورہ میں 98 ریال میں دستیاب ہے مستقبل قریب میں مکہ مکرمہ کے علاوہ ایئرپورٹس اور مارکیٹ میں بھی دستیاب ہو گا۔
یہ پائیدار احراموں کے لیے مخصوص اسٹورز پر بھی دستیاب ہوں گے اور جدہ میں 25 مئی تک جاری رہنے والے اسلامی آرٹ بینالے میں بھی پیش کیا جائے گا۔
جرمنی سے حج کے لیے سائیکل پر 6 ہزار کلو میٹر کے سفر کا آغاز
