بھارت کی ریاست مغربی بنگال کے جنگل میں دو گینڈوں نے سیاحوں کی جیپ پر حملہ آور ہو کر 7 افراد کو زخمی کر دیا۔
میڈیا رپورٹس کے مطابق جلداپارہ نیشنل پارک میں جیپ پر دو گینڈوں کے حملہ آور ہونے کی ویڈیو سوشل میڈیا پر کافی گردش کر رہی ہے۔ اس میں دیکھا جا سکتا ہے کہ جنگل میں سڑک سے ملحقہ جھاڑیوں میں دو گینڈے آپس میں لڑ رہے تھے کہ سیاحوں نے اس موقع کی عکسبندی کرنی چاہی۔
جیپ پر بیٹھے سیاح تصاویر اور ویڈیوز بنانے میں مصروف تھے کہ گینڈے اچانک ان کے طرف لپکے اور حملہ کر دیا۔ ڈرائیور نے ریورس گیر لگا کر موقع سے فرار ہونے کی کوشش کی لیکن ناکام رہا۔
I think it’s about time guidelines for safety and rescue in adventure sports are implemented in wildlife safaris across the country. Safaris are becoming more of adventure sports now!
Jaldapara today! pic.twitter.com/ISrfeyzqXt— Akash Deep Badhawan, IFS (@aakashbadhawan) February 25, 2023
گینڈوں نے جیپ کے اگلے حصے پر ٹکریں مار کر اسے اُلٹ دیا جس سے تمام 7 سیاح زخمی ہوگئے۔ زخمیوں کو فوری طور پر مقامی اسپتال منتقل کیا گیا جن میں سے دو کی حالت تشویشناک ہے۔
محکمہ جنگلات کے ایک اہلکار کے مطابق نیشنل پارک میں سیاحوں کی گاڑی پر گینڈوں کے حملے کی پہلے کبھی اطلاع نہیں ملی۔
