ڈائریکٹر حج نے کہا ہے کہ 17 ہزار سے زائد پاکستانی حجاج کو مسجد نبویؐ ریاض الجنہ کی زیارت اورعبادت کا شرف حاصل ہوا۔
وزارت مذہبی امور نے حج کے دوران مدینہ منورہ ہونے والے انتظامات کے حوالے سے بتایا کہ حجاج کے لیے تمام انتظامات احسن طریقے سے کیے گئے، پاکستانی حجاج ریاض الجنہ میں عبادت کا شرف حاصل کررہے ہیں۔
ڈائریکٹر حج مدینہ ضیا الرحمان نے بتایا کہ 17 ہزار سے زائد پاکستانیوں نے ریاض الجنہ کی زیارت اور انھیں وہاں عبادت کا شرف حاصل ہوا، کوئی پاکستانی عازمین حج زیارت سے محروم نہیں رہا۔
وزارت مذہبی امور نے بتایا کہ پاکستانی حجاج کو مسجد نبویؐ کے اندر مقدس مقام کی زیارت کا موقع ملا، زیارت کیلئے سعودی حکومت کے ساتھ خصوصی اجازت نامے کا انتظام کیا گیا۔
ڈائریکٹر حج مدینہ ضیاالرحمان نے کہا کہ حج کے بعد ہر پاکستانی حاجی کی ریاض الجنہ کی زیارت کو یقینی بنانا ترجیح ہے۔
