موسم گرما میں جلد کی رنگت خراب ہونا عام سی بات ہے لیکن اس سے بچنا بھی بہت آسان ہے، جس کیلئے ایک بہترین نسخہ ڈاکٹر ام راحیل نے بتایا۔
اے آر وائی ڈیجیٹل کے پروگرام گڈ مارننگ پاکستان میں گرمی کی شدت سے بچنے اور چہرے کی رنگت خراب ہونے سے بچانے کیلئے صرف چار چیزوں سے پیسٹ تیار کرنے کا طریقہ بیان کیا گیا۔
ڈاکٹر ام راحیل نے بتایا کہ کچی کیری کی گٹھلی کا پیسٹ، ابلے ہوئی چاول ایک چمچ، ایک چمچ دہی اور ایک چمچ فالسے کا گُودا، ان چاروں اجزاء کو ملا کر پیسٹ بنالیں۔ اگر چہرے کی جلد ڈرائی ہے تو وٹامن ای کے دو کیپسول بھی شامل کردیں۔
اس کے استعمال کا طریقہ یہ ہے کہ دن کے اوقات میں چہرے پر اچھی طرح لگا کر 20 منٹ کے بعد منہ دھولیں اور اگر رات کو لگائیں تو پوری رات لگا رہنے دیں اور صبح اٹھ کر منہ دھولیں، رات کو لگائیں تو کریم کی طرح اور دن میں ماسک کی طرح لگائیں۔
ڈاکٹر ام راحیل نے بتایا کہ دونوں صورتوں میں سن بلاک لگانا بھی ضروری ہے چاہے سردی ہو یا گرمی، اس نسخے کے استعمال سے آپ کی جلد بہت نرم اور خوبصورت رہے گی۔
انہوں نے کہا کہ اس پیسٹ کے لگانے سے جلد کی جگمگا جاتی ہے جبکہ رنگت بھی بہتر ہوتی ہے، اس عمل کو مؤثر نتائج کے لیے ایک ہفتے میں 3 بار دہرائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
