ممبئی: معروف بالی وڈ اداکارہ ریچا چڈھا آن لائن تنقید کا نشانہ بننے والی سابق مس یونیورس ایشوریا رائے کے دفاع میں سامنے آگئیں۔
بھارتی میڈیا کی رپورٹس کے مطابق فلم ’فکرے 3‘ کی اداکارہ نے حالیہ انٹرویو میں ایشوریا رائے کو تنقید کا نشانہ بنانے پر اپنے خیالات کا اظہار کیا۔
جب ریچا چڈھا سے ایشوریا رائے کے فیشن ویک لُک پر تنقید کے بارے میں پوچھا گیا تو انہوں نے کہا کہ لوگ ان سے جلتے ہیں کیونکہ وہ ہندوستان کی تاریخ کی سب سے خوبصورت خاتون ہیں۔
آن لائن تنقید سے نمٹنے کے بارے میں انہوں نے کہا کہ ہمیں ان سے کیوں نمٹنا ضروری ہے؟ میرا مشورہ ہے خود پر تنقید ہونے سے پریشان نہ ہوں کیونکہ یہ فضول لوگوں کا کام ہے۔
انٹرویو کے دوران ریچا چڈھا نے انکشاف کیا کہ میں اپنے شوہر علی فضل کی مشورہ ویب سیریز ’مرزا پور‘ دیکھنے سے گریز کرتی ہوں۔ انہوں نے کہا کہ اس میں بہت زیادہ تشدد دکھایا گیا ہے۔
ریچا چڈھا نے حال ہی میں کامیڈی فلم ’فکرے 3‘ میں بھولی پنجابن کا کردار ادا کیا۔ وہ انوبھو سنہا کی ’ابھی تو پارٹی شروع ہوئی ہے‘ اور سنجے لیلا بھنسالی کی مدت کی ویب سیریز ’ہیرا منڈی‘ میں نظر آئیں گی۔
