پابندی کے باوجود شارع فیصل، آئی آئی چندریگر روڈ، عبداللہ ہارون روڈ اور دیگر اہم شاہراہوں پر رکشے چل رہے ہیں، آئی آئی چندریگر روڈ پر سٹی ریلوے اسٹیشن کے قریب عارضی رکشہ اسٹینڈ بھی قائم ہو گئے۔
ٹریفک پولیس شہر قائد میں ٹریفک قوانین پر عمل درآمد کروانے میں ناکام نظر آتی ہے، اہم شاہراہوں پر غلط سمت سے ڈرائیونگ اور تیز رفتاری ٹریفک حادثات کا سبب بن رہی ہے۔ ایمپریس مارکیٹ کے اطراف ایم آر کیانی روڈ اور شاہراہ کمال اتاترک پر بے ہنگم ٹریفک اور غلط سمت میں سفر بڑا مسئلہ بنا ہوا ہے۔
کراچی کی کن سڑکوں پر رکشوں کی آمدورفت پرپابندی ہوگی؟
ٹریفک پولیس اہلکاروں کا کہنا ہے کہ کم نفری کی وجہ سے رکشوں کو روکنا ممکن نہیں، رکشہ ڈرائیوروں نے الزام لگایا ہے کہ رشوت نہ دینے کی صورت میں ہزاروں روپے جرمانہ ادا کرنا پڑتا ہے۔
