ممبئی: بھارتی کرکٹ ٹیم کے اوپنر شبھمن گل سے شادی کی افواہوں پر بھارتی اداکارہ ردھیما پنڈت کا ردعمل آگیا۔
بھارتی میڈیا کی جانب سے جاری رپورٹس میں دعویٰ کیا جارہا تھا کہ اداکارہ ردھیما پنڈت اس سال کے آخر میں کرکٹر شبھمن گل سے شادی کرنے والی ہیں، بھارتی میڈیا کے اس خبر پر بھارتی اداکارہ کا ردعمل بھی آگیا۔
اداکارہ و ڈانس شو کی ہوسٹ ردھیما پنڈت نے کہا کہ ’’میری کسی سے شادی نہیں ہورہی میڈیا پر نشر ہونے والی خبروں میں کوئی صداقت نہیں ہے، میں تو یہ بھی نہیں جانتی کہ یہ شبھمن گل ہے کون؟ جس سے دسمبر میں میری شادی کروائی جارہی ہے‘‘۔
اداکارہ ردھیما پنڈت نے مزاحیہ انداز میں کہا کہ میں سنگل ہوں بھئی لیکن ہوسکتا ہے شبھمن گل سے شادی کی جعلی خبروں کے بعد اب کوئی مجھے سے شادی کے لیے رابطہ ہی نہ کرے۔
واضح رہے کہ کچھ عرصہ قبل بھارتی کھلاڑی شبھمن گِل اور سچن ٹنڈولکر کی بیٹی سارہ ٹنڈولکر کے ساتھ ڈیٹنگ کے افواہیں سامنے آئیں تھیں۔
