پاکستان شوبز انڈسٹری کی مقبول اداکارہ رمشا خان نے زندگی کی 31 بہاریں دیکھ لیں، اداکارہ کی سالگرہ تصاویر سوشل میڈیا پر وائرل ہوگئی۔
رمشا خان کا شمار شوبز انڈسٹری کے ان ستاروں میں ہوتا ہے، جن کے لیے کہا جاتا ہے کہ’’آئے اور چھاگئے‘‘۔ وہ ایک ایسی اداکارہ ہیں جن کی جاندار اداکاری مدمقابل اداکاروں کو مشکل میں ڈال دیتی ہے۔
رمشا نے نہ صرف اداکاری کے میدان میں اپنے جوہر دکھائے ہیں بلکہ اپنے مختصر کیریئر کے دوران وہ بطور ماڈل اور وی جے کے فرائض بھی نبھاچکی ہیں۔
View this post on Instagram
پاکستان شوبز انڈسٹری کی معروف اداکارہ رمشا نے اپنی سالگرہ کے موقع پر چند تصاویر فوٹو اینڈ ویڈیو شیئرنگ ایپ انسٹاگرام پر شیئر کی ہیں۔
مذکورہ تصاویر میں اداکارہ کو اپنے قریبی دوستوں کے ہمراہ اپنی 31ویں سالگرہ مناتے ہوئے دیکھا جاسکتا ہے۔
سوشل میڈیا پر اپنی سالگرہ کی تصاویر شیئر کرتے ہوئے رمشا خان نے سوال کیا کہ ’برتھ ڈے گرل کون ہے؟ مداحوں نے دل چسپ جوابات دیے اور ان کے مستقبل کے لیے نیک خواہشات کا اظہار کیا۔
یہ پڑھیں: کیا رمشا خان شوبز کو خیرباد کہہ رہی ہیں؟
خیال رہے کہ پاکستانی اداکارہ کئی ڈراموں میں اپنی اداکاری کے جوہر دکھا چکی ہیں، جن میں “عشقیہ، ”صنف آہن“ و دیگر شامل ہے۔
