نیدرلینڈز کے دارالحکومت ایمسٹرڈیم میں اسرائیلی شہری آپے سے باہر ہو گئے جس کے بعد 62 افراد کو حراست میں لے لیا گیا۔
نیدرلینڈز کے دارلحکومت ایمسٹڑڈیم میں اس تصادم کے بعد ایمرجنسی نافذ کر دی گئی، ایمسٹرڈیم میں فٹبال میچ کے بعد تل ابیب کے حامیوں اور اسٹیڈیم کے باہر مظاہرہ کرنے والے فلسطینی مظاہرین میں تصادم ہوا۔
اسرائیلی شہریوں نے فلسطین کے حق میں نکالی جانے والی ریلی کے شرکاء پر حملہ کر دیا جس کے بتیجے میں دس سے زائد افراد زخمی ہوئے اور پولیس نے متعدد افراد کو گرفتار کر لیا۔
رپورٹ کے مطابق فٹبال میچ سے قبل اسرائیلی تماشائیوں نے فلسطینی پرچم کی بے حرمتی کی اور عرب مخالف اور غزہ کے بچوں کے خلاف نفرت انگیز نعرے لگائے جس کے نتیجے میں تصادم شروع ہوا۔
میچ سے قبل اسپین میں سیلاب میں مرنے والوں کے لیے ایک منٹ کی خاموشی پربھی اسرائیلی تماشائی شورمچاتے رہے اور عرب مخالف نعرے لگاتے رہے۔
