بھارتی وکٹ کیپر بیٹر اور دہلی کیپٹلز کے کپتان ریشبھ پنت نے آئی پی ایل میں ریکارڈ بناتے ہوئے پاکستانی بلے باز کو پیچھے چھوڑ دیا۔
آئی پی ایل میں دہلی کے بیٹر نے گجرات ٹائٹنز کے خلاف دھواں دھار بیٹنگ کرتے ہوئے 43 بالز پر 88 رنز کی شاندار اننگز تراشی ان کی اننگز میں پانچ چوکے اور 8 چھکے شامل تھے جبکہ انھوں نے 204.65 کے اسٹرائیک ریٹ سے یہ اسکور بنایا۔
ریشبھ پنت نے پاکستانی بیٹر عثمان خان کا ریکارڈ توڑا جنھوں نے پاکستان سپر لیگ کے دوران ملتان سلطانز کی جانب سے کھیلتے ہوئے کوئٹہ گلیڈی ایٹر کے بولر قیس احمد کے 12 بالز پر 54 رنز بٹورے تھے۔
عثمان نے اپنی 43 بالز کی اننگز میں 120 رنز بنائے تھے جس میں 12 چوکے اور 9 چھکے شامل تھے جبکہ ان کی ٹیم نے مقررہ اوورز میں 3 وکٹوں کے نقصان پر 262 رنز کا مجموعہ کھ۔ڑا کیا تھا۔
بھارتی وکٹ کیپر بیٹر کی اننگز کی خاص بات یہ تھی کہ انھوں نے پیسر موہت شرما کی 18 بالز پر مجموعی طور پر 62 رنز اسکور کیے۔
آئی پی ایل میں ایک ہی بولر کے خلاف انھوں نے تین چوکے اور سات چھکے لگائے جبکہ اننگز کے آخری اوور میں انھوں نے موہت کے خلاف تابڑتوڑ 30 رنز اسکور کیے تھے۔
