بھارتی کرکٹ ٹیم کے وکٹ کیپر و بیٹر رشبھ پنت نے خوفناک کار ایکسیڈنٹ میں زخمی ہونے کے بعد پہلا پیغام ٹوئٹر پر جاری کیا ہے۔
بھارتی کرکٹر رشبھ پنت نے ٹوئٹر پر لکھا کہ نیک خواہشات کا اظہار کرنے والے مداحوں، ساتھی کرکٹرز، ڈاکٹرز اور دیگر لوگوں کا تہہ دل سے شکریہ ادا کرتا ہوں جنہوں نے میری ہمت باندھی اور حوصلہ دیا۔
بھارتی کرکٹر نے لکھا کہ میرا ریکوری کا عمل شروع ہوگیا ہے، آنے والے چلینجز کے لیے میں تیار ہوں۔
From the bottom of my heart, I also would like to thank all my fans, teammates, doctors and the physios for your kind words and encouragement. Looking forward to see you all on the field. #grateful #blessed
— Rishabh Pant (@RishabhPant17) January 16, 2023
رشبھ نے ٹوئٹ میں کہا کہ مجھے یہ بتاتے ہوئے خوشی ہورہی ہے کہ میرا آپریشن کامیاب رہا، ساتھ ہی انہوں نے گورنمنٹ حکام، بی سی سی آئی اور جے شاہ کا بھی شکریہ ادا کیا۔
علاوہ ازیں رشبھ پنت ایک اور ٹوئٹ کیا جس میں انہوں نے روڈ حادثے کے بعد مدد اور اسپتال پہنچانے والے 2 نوجوانوں رجت کمار اور نشو کمار کا بھی شکریہ ادا کیا۔
کرکٹر نے کہا کہ کے میں ان دو ہیروز کا شکریہ ادا کرنا چاہتا ہوں، انہوں نے مجھے ایکسیڈنٹ کے بعد محفوظ طریقے سے اسپتال پہنچایا۔
I may not have been able to thank everyone individually, but I must acknowledge these two heroes who helped me during my accident and ensured I got to the hospital safely. Rajat Kumar & Nishu Kumar, Thank you. I'll be forever grateful and indebted 🙏♥️ pic.twitter.com/iUcg2tazIS
— Rishabh Pant (@RishabhPant17) January 16, 2023
یاد رہے کہ 30 دسمبر کو وکٹ کیپر بیٹر کی گاڑی کو گھر واپس جاتے ہوئے دہلی کے ہائی وے پر اتراکھنڈ کے قریب حادثہ پیش آیا تھا، کار ہائی وے کی ریلنگ سے ٹکرانے کے بعد آگ لگ گئی تھی۔
