بھارتی ٹیم کے وکٹ کیپر بیٹر رشبھ پنت کی گاڑی خوفناک حادثے کا شکار ہوگئی جس کے نتیجے میں کرکٹر کو شدید چوٹیں آئیں۔
بھارتی میڈیا رپورٹس کے مطابق رشبھ پنت کی گاڑی کو حادثہ ریاست اتراکھنڈ سے نئی دہلی آتے ہوئے اس وقت پیش آیا جب ان کی گاڑی ہائی وے کی ریلنگ سے ٹکرا گئی۔
یہ پڑھیں: ’آپ کا کیریئر تو چلا نہیں ’پنت‘ کو ہی ڈھنگ سے کھیلنے دو‘
ویڈیو میں دیکھا جاسکتا ہے کہ گاڑی بے قابو ہوکر فٹ پاتھ کی ریلنگ سے ٹکرائی جس کے بعد اس میں آگ بھڑک اٹھی۔
Watch | CCTV footage reveals the moment when Rishabh Pant’s car crashed into divider pic.twitter.com/VJm204VKqG
— Sports Tak (@sports_tak) December 30, 2022
وکٹ کیپر بیٹر کی بی ایم ڈبلیو کی تصاویر میں دیکھا جاسکتا ہے کہ حادثے میں گاڑی کو بھی بری طرح نقصان پہنچا ہے جبکہ ایک تصویر میں وہ زیر علاج ہیں۔
بھارتی میڈیا کا بتانا ہے کہ رشبھ پنت کے سر اور جسم پر شدید چوٹیں آئیں تاہم ڈاکٹرز نے کا کہنا ہے کہ ان کی حالت خطرے سے باہر ہے۔
بھارتی کرکٹرز کے حادثے کی اطلاع ملنے پر ساتھی کرکٹرز کے ساتھ ساتھ پاکستانی کرکٹرز نے بھی پوسٹ شیئر کیں اور ان کی جلد صحت یابی کے لیے دعا کی۔
Prayers and best wishes for @RishabhPant17
— Shadab Khan (@76Shadabkhan) December 30, 2022
Praying for @RishabhPant17
— Shaheen Shah Afridi (@iShaheenAfridi) December 30, 2022
Just heard about Rishabh Pant’s accident but relieved to know he is fine now…Sending a lots of prayers and wishes from Pakistan 🇵🇰 to our dear brother @RishabhPant17. Wishing him a speedy recovery and a great health..Get well soon brother #RishabhPant @vikrantgupta73
— Kamran Akmal (@KamiAkmal23) December 30, 2022
ایسے میں اداکارہ اروشی روٹیلا نے بھی ٹوئٹ کیا ہے، واضح رہے کہ اس سے قبل اداکارہ اروشی روٹیلا اور رشبھ پنت کے درمیان لفظی گولہ باری ہوئی تھی، پنت اور اروشی نے ایک دوسرے پر الزامات عائد کیے تھے۔
اداکارہ اروشی روٹیلا نے اپنے پیغام میں لکھا کہ ’میں آپ اور آپ کے اہلخانہ کے لیے دعا گو ہوں۔‘
I pray for you & your family’s wellbeing.
— URVASHI RAUTELA🇮🇳 (@UrvashiRautela) December 30, 2022
یاد رہے کہ ٹی 20 ورلڈ کپ میں کرکٹر رشبھ پنت ورلڈ کپ اسکواڈ کا حصہ تھے اور کرکٹ شائقین کی جانب سے انہیں میدان میں دیکھ کر اروشی کے نعرے لگائے گئے تھے جس پر کرکٹر کے مداحوں نے برہمی کا اظہار کیا تھا۔
