ممبئی: بھارتی وکٹ کیپر ریشبھ پنت کے حادثے کی ویڈیو سامنے آگئی ہے۔
بھارتی میڈیا کے مطابق ریشبھ پنت کی گاڑی کو حادثہ ریاست اترکھنڈ سے نئی دلی آتے ہوئے پیش آیا، بھارتی وکٹ کیپر کی کار ہائی وے کی ریلنگ سے ٹکرائی اور اس میں آگ بھڑک اٹھی، آگ لگنے کے باعث ریشبھ پنت کی گاڑی مکمل طور پر جل گئی۔
بھارتی وکٹ کیپرریشبھ پنت کی گاڑی خوفناک حادثے کا شکار، کرکٹر شدید زخمی
ویڈیو میں دیکھا جاسکتا ہے کہ گاڑی کی انتہائی اوور اسپیڈ ہونے کی وجہ سے بے قابو ہوگئی، جس کے بعد فٹ پاتھ کی ریلنگ سے ٹکراتے ہوئے اس میں آگ لگ گئی۔
Watch | CCTV footage reveals the moment when Rishabh Pant's car crashed into divider pic.twitter.com/VJm204VKqG
— Sports Tak (@sports_tak) December 30, 2022
حادثے میں ریشبھ پنت کو سر اور جسم کے دیگر حصوں پر شدید چوٹیں آئیں، حادثے کے بعد انہیں فوری طور پر اسپتال منتقل کیردیا گیا تاہم ڈاکٹرز کا کہنا ہے کہ کرکٹر کی حالت اب بہتر ہے۔
بھارتی میڈیا پر ریشبھ پنت کی بی ایم ڈبلیو کی تصاویر بھی شیئر کی گئی ہیں جس میں دیکھا جاسکتا ہے کہ حادثے میں گاڑی کو بھی بری طرح نقصان پہنچا ہےجبکہ ایک تصویر میں ریشبھ کو بھی سر پر پٹی کے ساتھ اسپتال کے بیڈ پر دکھا یا گیا ہے۔
