کراچی: قومی ایئرلائن (پی آئی اے) نے کروناوائرس کے پیش نظر فضائی میزبانوں کے لیے ٹریول ایڈوائزری جاری کردی۔
اے آر وائی نیوز کے مطابق پی آئی اے کی جانب سے ٹریول ایڈوائزی بیجنگ اور ٹوکیو جانے والی پروازوں کے لیے جاری کی گئی ہے۔ ایڈوائزری میں احتیاطی تدابیر اختیار کرنے کی ہدایت کی گئی ہے۔
ایڈوائزری کے مطابق فضائی میزبان دوران ڈیوٹی ٹچ فری تھرمامیٹر ساتھ رکھیں، چہرے پر پہننے کے لیے این95ماسک کا استعمال بھی لازمی قرار دیا گیا ہے۔
’پرواز روانگی سے قبل متعلقہ میزبانوں کو ایئرپورٹ تھرمامیٹر اور ماسک مہیا کرے گا‘
دوسری جانب باچاخان انٹرنیشل ایئرپورٹ پر کروناوائرس کے پیش نظر ڈاکٹرز کی تعداد میں اضافے کا فیصلہ کیا گیا ہے۔
کروناوائرس کا خطرہ، ایئرپورٹ پر ڈاکٹرز کی تعداد میں اضافے کا فیصلہ
خیال رہے کہ کروناوائرس سے بچاؤ اور آگاہی سے متعلق وفاقی محکمہ صحت کے مزید اقدامات کررہی ہے، پاکستان کے 7بین الاقوامی ایئرپورٹس پر فوکل پرسن تعینات کر دیئے گئے ہیں۔
واضح رہے کہ پاکستان میں باچاخان ایئرپورٹ پر خلیجی ممالک سے آئی پروازوں کے مسافروں کو ہیلتھ کاؤنٹر سے گزرا جارہا ہے، ہیلتھ کاؤنٹر پر محکمہ صحت کی جانب سے ڈاکٹر اور پیرا میڈیکل اسٹاف دن رات موجود ہیں۔
